Бейшеналиев Алымкадыр Савирдинович саламаттык сактоо министри кызматынан бошотулду. Тиешелүү жарлыкка Президент Садыр Жапаров кол койгон Бул тууралуу президенттин маалымат кызматынан билдирди.
Белгилей кетсек, Бейшеналиев министрлик кызматка өткөн жылы октябрь айында дайындалган. Ушул жылдын июнь айында кылмыш иши козголуп тергөө аяктаганча убактылуу четтетилген болчу. 17-август күнү Бейшеналиевге карата Кыргыз Республикасынын Кылмыш-жаза кодексинин 41-беренесинин 2-бөлүмү, 336-берененин 2-бөлүмү боюнча кылмыш иши кылмыштын курамы жок болгондуктан кыскартылган.
