Кыргызстандын Беларустагы элчилиги Туризм департаменти менен биргеликте Белтелерадиокомпаниянын журналисттери үчүн Кыргызстанга сапар уюштурду. Бул тууралуу элчи Эрбол Султанбаев социалдык тармактагы баракчасына жазды.
Ал белгилегендей, Беларустун Улуттук телерадиокомпаниясынын журналисттерине сапар Кыргызстандын туристтик потенциалы тууралуу атайын репортаж даярдоо үчүн уюштурулган.
«Атайын репортаж бир нече жума бою Беларусь телеканалында көрсөтүлөт жана бул Беларустан Кыргызстанга жаңы туристтерди тартууга жардам берет деп ишенем», — деп кошумчалаган Эрбол Султанбаев.
