Аргентиналык Лионель Месси Аргентина жана Эстония курама командаларынын беттешинде беш гол киргизди. Оюн 5-июнда Испаниянын Памплона шаарындагы «Эль-Садар» стадионунда өттү.
Жолдоштук беттеште Аргентине Эстонияны 5:0 эсебинде утту. Месси биринчи таймда эки гол киргизди (бири пенальтиден), тыныгуудан кийин дагы үч жолу гол киргизди. Ал 90 мүнөттүн баарын оюн талаасында өткөрдү. Месси муну менен Аргентина курама командасы үчүн 86 гол киргизип, эл аралык футбол тарыхындагы эң көп гол киргизген төртүнчү оюнчуга айланды.
