Аксыда селден каза болгон 8 кишинин жетөө Ак-Жол айылынын, бири Жаңы-Жол айылынын тургундары болгон. Бул тууралуу ӨКМдин маалымат кызматы билдирди.

Катуу жааган өткүндөн суу ташкындап  Жолборсту айылындагы чатырды каптаган. Анын ичиндеги 7 кишинин баары каза болгон. Алардын алтоо бир үй-бүлө мүчөлөрү.  Алардын улуусу 1958-жылы туулган аял киши. Анын 1981-жылы туулган кызы жана неберелери: 2009-жылы туулган, 2014-жылы туулган, 2005-жылы туулган, 2018-жылы туулган балдар.

Алар менен бирге Ак-Жол айылынан 2009-жылы туулган бала конокко келген. Ал да каза болду.

1. 1958-жылы туулган Б.Ж.К.
2. 1981-жылы туулган Ш.Б.Т.
3. 2009-жылы туулган Ш.А.А.
4. 2014-жылы туулган Ш.А.А.
5. 2005-жылы туулган Т.П.Н.
6. 2009-жылы туулган О.Н.О.
7. 2018-жылы туулган Т.Ф.Н.
8. 2016-жылы тууоган К.А.ны суу агызып кеткен.

ӨКМ 6 адамдын жансыз денелери табылып, 2 адам (2018-жылы туулган Т.Ф.Н. менен 2016-жылы туулган К.А.) изделип жатканын билдирет.

Издөө иштерине ӨКМдин куткаруучуларынан сырткары  200дөй жергиликтүү тургундар катышкан.