Бишкекте бир жумада жол эрежесин бузган 224 чет өлкөлүк унаа аныкталды. Бул тууралуу Милициянын кайгуул кызматы билдирди.
Маалыматка ылайык, 17-25-сентябрь күндөрү каттоо мөөнөтү өтүп кеткен, түзүлгөн протоколдор үчүн айып пулдарын өз убагында төлөбөгөн жана жол эрежесин бузган чет өлкөлүк жана транзиттик номерлүү унааларга карата текшерүү жүргүзүлгөн.
Жол эрежесин бузган чет өлкөлүк автоунаанын ичинен Россияныкы — 178, Арменияныкы — 15, Абхазияныкы — 10, Грузияныкы — 12, төрт жана башка чет өлкөлүк номерлүү автоунаалар.
Ошондой эле ар кандай багытта эреже бузган беш автоунаа айып короосуна киргизилген.
Белгилей кетсек, кайгуул кызматынан бул багытта иштер улантылат.
