Бишкек — Чалдовар унаа жолунда кырсык болуп, эки адам каза болду. Бул тууралуу Чүй ОИИБдин Жол кайгуул кызматынын басма сөз кызматы билдирди.
Маалыматка ылайык, кырсык кечээ, 5-февралда саат 17:30 чамасында Бишкек-Чалдовар унаа жолунун 71-чакырымында болгон. Панфилов районунун Эфиронос айылында Жигули менен Мерседес унаалары кагылышкан.
Белгилүү болгондой, «Жигулинин» айдоочусу Чалдоварды көздөй бара жатып, каршы тилкеге чыгып кетип, Мерседес менен кагышкан. Кырсыктын кесепетинен Жигулинин эки жүргүнчүсү каза болуп, дагы бирөө жаракат алышкан.
