Бүгүн, 6-декабрга карата абанын сапаты тууралуу индексте Бишкектеги көрсөткүч (AQI) 170тен ашты. Бул тууралуу World Air Quality уюму билдирет.
Маалыматка ылайык, уюмдун баасы боюнча учурда Бишкек дүйнөдөгү абасы өтө зыян жана булганган деген он шаардын катарында турат. Бул — баш калаада аба өтө булганган жана ден соолукка кооптуу дегенди түшүндүрөт.
Ноябрда Бишкек шаары бул индексте биринчи орунга чыккан. Ал кезде көрсөткүч (AQI) 200дөн ашып, 300гө жакындаган. Негизи, аба таза болгондо атайын изилдөөчү жабдыктар 50дөн ылдый көрсөткүчтү көрсөтөт.
Белгилей кетсек, бийлик ыш, түтүн маселесин чечүү үчүн өткөн айда атайын комиссия түзгөн.
