Бишкек-Каракол, Бишкек-Нарын жана Бишкек-Талас багыттарына кошумча 16 кичи автобус киргизилди.
Бүгүн дем алыш күндөрү жана жаңы жыл майрамына карата алыскы аймактарга каттаган жүргүнчүлөрдүн саны көп болгондуктан, Жол кыймылынын коопсуздугун камсыздоо башкы башкармалыгынын Техникалык көзөмөлдөө бөлүмү жүргүнчүлөрдүн каттамы үзгүлтүккө учурабаш үчүн, автобекеттерге кошумча 16 кичи автобустарды каттамга киргизишти.
Азыркы учурда Бишкек-Каракол багыты боюнча 10 кичи автобус, Бишкек-Нарын багыты боюнча 4 кичи автобус жана Бишкек-Талас багыты боюнча 4 кичи автобус каттамга киргизилип, убагы менен жолго чыгышууда.
Учурда автобекеттерде маршруттук унаалар жетиштүү жана баары көзөмөлдө.
