Кечээ, 16-августка Бишкек шаары Түркиядан көп оорундуу автобустарды алуу боюнча меморандумга кол койду. Бул тууралуу мэриянын басма сөз кызматы билдирет.
Маалыматка ылайык, жалпысынан 2021-2022-жылдары Бишкекке Түркиядан 300-350 автобус алып келүү боюнча мэриянын шаардык транспорт башкармалыгы менен «Грин Бас» ЖЧКсы келишим түзгөн. Автобустар 10-12 метрлик экологиялык жактан ыңгайлуу болот деп айтылат. Алардын биринчи партиясы, ушул жылдын ноябрь айынын аягына чейин келет.
Белгилей кетсек, буга чейин Бишкек мэриясы борбор калаадагы коомдук каттамды жакшыртуу максатында Өзбекстандан 350 кичи автобус алып келүүгө кол койгон.
