Бишкек-Нарын-Торугарт унаа жолунун 137-чакырымында жана Балыкчы-Ананьево-Каракол унаа жолунун 28-чакырымында таштанды салуучу урналар орнотулууда. Бул тууралуу Транспорт министрлиги билдирди.
Маалыматка ылайык, иштерди №10 Жол тейлөө мекемеси жүргүзүүдө. Максат-жол жээктериндеги санитардык тазалыкты камсыз кылуу, айлана-чөйрөнү коргоо жана саякатчылар үчүн ыңгайлуу шарттарды түзүү.
Министрлик айдоочуларды жана жүргүнчүлөрдү таштандыларды атайын урналарга гана таштап, жол боюндагы тазалыкты сактоого чакырды.
