Камчы Көлбаевдин уюшкан кылмыштуу тобун каржылоо фактысы аныкталды. Бул тууралуу УКМКдан билдирди.
«Братский круг» эл аралык кылмыштуу тобуна кирген Камчы Көлбаевдин уюшкан кылмыштуу тобун «Бишкек Нефть Компаниясы» ЖАКтын май куюучу станциялар тармагынын негиздөөчүсү жана ээси Н.А.М. тарабынан каржылоо фактысы аныкталды.
Кылмыш ишинин алкагында Н.А.М. «Мыйзамдагы ууру» Камчы Көлбаевдин ишкерликти жүргүзүү үчүн колдоо алуу максатында байланыш түзгөндүгү, бул үчүн анын кылмыш ишин бир нече жолу каржылагандыгы жөнүндө далилдер алынды.
Кармалган жаран УКМКнын убактылуу кармоочу жайына киргизилди.
