Бишкек шаардык кеңешин шайлоо 11-апрелде — башкача айтканда, жекшемби күнү болот. Бул тууралуу маалыматты БШКнын төрайымы Нуржан Шайлдабекова билдирди.
«Жергиликтүү кеңештердин депутаттарын шайлоо жөнүндө мыйзамга ылайык, жергиликтүү шайлоолор апрель айынын экинчи жекшембисинде өтөт», — деди Шайлдабекова.
Белгилей кетчү нерсе, Бишкек шаардык кеңешинин депутаттары 4 жылга шайланат. Шаардык кеңеш партиялык тизме менен келген 45 депутаттан турат.Учурда шаардык кеңеште 5 фракция бар. Алар: КСДП, «Республика-Ата Журт», «Өнүгүү-Прогресс», «Мекеним Кыргызстан» жана «Кыргызстан».⠀
