Бишкек-Токмок унаа жолунда жол кырсыктан 7 адам жабыркады. Бул тууралуу ӨКМнин басма сөз кызматы билдирди.
Маалыматка ылайык, 14-апрель болжол менен күндүзгү саат 14:00дор чамасында Бишкек-Токмок-Торугарт автожолунун 18 чакырымында Мерседес Бенс Спринтер унаасы менен ЗИЛ-130 үлгүсүндөгү оор жүк ташуучу унаа сүзүшкөн.
Кырсыктын кесепетинен 7 адам жабыркаган. Жерине Ысык-Ата райондук №27 өрт куткаруу бөлүгүнөн 4 куткаруучу тартылып, кыпчылып калган 1952-жылы туулган аялды унаадан чыгарып тез жардам кызматына өткөрүп беришкен. Ал эми жабыркаган жарандар Кант шаардык ооруканасына жеткирилген. Жабыркаган жарандардын абалдары орто.
