Бишкек – Нарын — Торугарт унаа жолунун 24-чакырымында жөө жүргүнчүнү сүзүп, качып кеткен айдоочу кармалды. Бул тууралуу Чүй облустук жол кыймылынын коопсуздугун камсыздоо башкармалыгынан билдиришти.
Маалыматка ылайык, 3-декабрда саат 01:48 чамасында Бишкек – Нарын — Торугарт унаа жолунун 24-чакырымында жеңил унаа жөө жүргүнчүнү сүзүп, айдоочу окуя болгон жерден качып кеткен.
Кырсыктын кесепетинен 48 жаштагы С.Д.Г. аттуу эркек киши алган жаракатынан улам каза болгон.
Кечээ, 9-декабрда облустук жол кыймылынын коопсуздугун камсыздоо башкармалыгынын кызматкерлери тарабынан мыйзам бузууга шектелип “Мазда” үлгүсүндөгү унаанын 27 жаштагы Г.А.А. аттуу айдоочусу кармалган.
Учурда унаа айып аянтчасына токтотулуп, тергөө иштери уланууда.
