Бишкек жылуулук электр борборунун (ЖЭБ) адиси пара менен кармалды. Бул тууралуу УКМКдан билдирди.
УКМК тарабынан кызмат абалынан кыянаттык менен пайдалануу фактысы боюнча козголгон кылмыш ишинин негизинде, 3 миң 200 АКШ доллары өлчөмүндө пара алып жаткан жеринен Бишкек ЖЭБнин адиси С.Э.С. кармалып, УКМКнын убактылуу кармоочу жайына киргизилди.
Бишкек ЖЭБнин аккредиттелген химиялык лабораториясынын жооптуу адиси, акчалай сыйлык үчүн коррупциялык схеманы уюштуруп, катуу отундун протоколдук сыноолорунун корутундуларын бурмалап даярдаган.
