18-январдан баштап Бишкек шаарынын мектептериндеги айрым класстар салттуу режимде окутулат. Бул тууралуу мэриядан билдиришти.
Маалыматка ылайык, балдар эки нөөмөттө окушат жана парталарга шахмат түрүндө жайгашышат. Ал эми бала бакчалар 20-январда ишин улантат.
Эскерте кетсек, мектеп окуучулары март айынан бери аралыктан билим алышат. Ата-энелер жана мугалимдер көптөгөн ыңгайсыздыктарга жана окуучулар иш жүзүндө мындай форматта билим ала албай жаткандыгына нааразы болушууда. Аймактарда мектептер экинчи чейректен баштап ишин жарым-жартылай улантышты.
