Борбор калаада 2024-жылга өндүрүштүк программаны пландаштыруунун алкагында 10 000 светодиоддук лампалар орнотулат. Бул тууралуу муниципалитеттин басма сөз кызматы маалымдады.
Маалыматка ылайык, «Бишкекжарык» муниципалдык ишканасы чырактарды алмаштыруу менен бирге 120 чакырым узундуктагы электр чубалгыларын (электр линияларын) СИП зымдарына (өзүн көтөрүүчү изоляцияланган зым) алмаштыруу иштерин жүргүзүүнү пландоодо.
“Мынан тышкары, аянттарда жана сейил бактарда жаңы тышкы жарыктандыруу тармактарын куруу, ошондой эле жөө адамдар өтүүчү өтмөктөрдү жарыктандыруу пландаштырылууда” – деп айтылат маалыматта.
