Бишкек шаарында 19 жаштагы жигит курулуп жаткан көп кабаттуу үйдүн 9-кабатынан кулап кетти. Жаш жигит тирүү калган, бирок оор жаракаттарды алды. Бул тууралуу Октябрь РИИБдин басма сөз кызматы билдирди. Маалым болгондой, окуя 1-мартта болгон. 2002-жылы туулган Ж.Э. Токомбаев көчөсүндөгү 14 кабаттуу үйдүн курулушунда иштеп жаткан.
Жаш жигит Бишкек шаардык травматология жана ортопедия илимий изилдөө борборуна жеткирилген. Алдын ала маалымат боюнча, ал баш мээсинен жаракат алып, эки буту, ийини, оң далы сынган. Сол далы чыгып кеткен.
Аталган факт КЖБРга Жазык кодексинин 258-беренеси (Тоо-кен, курулуш, жарылуу кооптуулугу бар же башка жумуштардын коопсуздук эрежелерин бузуу) менен катталды.
Соттук-медициналык экспертиза дайындалды. Тергөө уланууда.
Посмотреть эту публикацию в Instagram
