Бишкекте 2 адамды өлтүрүүгө шектелген жарандын фотороботу күбөлөрдүн айткандарына таянуу менен түзүлдү.
Маалыматка караганда, шектүү 30-35 жашта, бою 170-175 см.
Эгерде сүрөттөгү адамды таанып же анын жүргөн жери жөнүндө маалымат билсеңиздер, төмөнкү телефон номурлар аркылуу кабарласаңыз болот: 0 772 144 239, 0 556 848 080, 102.
Кыргыз Республикасынын Ички иштер министрлиги маалымат берген адамдардын жеке коопсуздугу жана купуялуулук толук сакталат. Тергөөгө көмөктөшкөн жарандар үчүн сый акы каралган.
Эске салсак, буга чейин жергиликтүү маалымат каражаттары Ак-Ордо-3 конушундагы үйлөрдүн бирине уурулар кирип, агасы менен карындашына бычак урганы тууралуу жазышкан. Аталган булактарга таянсак, 2 жабырлануучу тең каза болгон.
