Бишкекте кызды ала качууга аракет кылган деген шек менен эки жаран кармалды. Бул тууралуу Ленин РИИБден кабарлады.
23 жаштагы Н.Н. аттуу кыз аны эки киши ала качууга аракет кылганын айтып, 5-февралда милицияга арыз жазган.
Шектүүлөр кызды эркине каршы Nissan унаасына салып, бирок максаттарына жетпей калышкан. Жамгырчинов жана Садыгалиев көчөлөрүнүн кесилишине жеткенде кызды унаадан түшүрүп, качып кетишкен.
Кылмышка шектелип 30 жаштагы Б.Б. жана 31 жаштагы Ж.Э. кармалып, убактылуу кармоочу жайга киргизилген.
Милиция ала качуу оор кылмыш экенин эскертип, бул үчүн 10 жылга чейин эркинен ажыратуу жазасы каралганын эскертти.
