Борбор калаада шаардын архитектуралык-көркөм эстетикалык көрүнүшүн жакшыртуу, тышкы жарнаманын жана маалыматтардын мамлекеттик жана адабий тилде текстик ченемдерине ылайык келтирүү максатында рейддер өткөрүлүп, жарнама концтрукциялары алынууда. Бул тууралуу Бишкек мэриясынан билдиришти.
Маалыматка ылайык, Октябрь жана Свердлов райондорунда түзүлгөн комиссия мүчөлөрү МАБдардын өкүлдөрү менен биргеликте райондордун аймагында тышкы жарнамаларды, маалымат такталарын жайгаштыруунун жол-жобосу жана тартиби боюнча рейд өткөрүп, анын жүрүшүндө 300 дөн ашык жарнама конструкциялары алынды.
Буга чейин комиссия тарабынан шаардын эстетикалык көрүнүшүн сактоо боюнча түшүндүрүү иштери жүргүзүлүп, эскертүүлөр берилген.
