Бишкекте бүгүнтөн баштап 31-декабрга чейин азык-түлүк жарманкеси өтөт. Бул тууралуу Айыл чарба министрлиги билдирди.
Маалыматка ылайык, жарманке Киев — Раззаков — Токтогул көчөлөрүнүн кесилишинде саат 10:00дөн 17:00гө чейин болот.
«Жарманкенин максаты — атамекендик өндүрүүчүлөрдүн, агроөнөр жай ишканаларынын жана жеке ишкерлердин айыл чарба продукцияларын сатууга, шаар тургундарына дүң баада жеткирүүдө колдоо көрсөтүү» — деп айтылатмаалыматта.
Жарманкеге катышууну каалаган дыйкан, өндүрүүчү 0555 34 60 60 телефон номерине кайрылып, толук маалымат ала алат.
