Бишкекте аялдын өлүмүнө шектүү катары 28 жаштагы эркек киши кармалды. Бул тууралуу Ленин райондук ИИБнин басма сөз кызматы билдирди.
Маалыматка ылайык, ал калаанын аймагынан кармалган.
“Шектүү Бишкек ШИИБнин убактылуу кармоочу жайына киргизилди. Бул иш боюнча ыкчам иш-аракеттери көрүлөт”, — деп берилет маалыматта.
Эске сала кетсек, 22-сентябрда 38 жаштагы аял кишинин жансыз денеси табылган. Анын сөөгүн апасы көрүп калган. Айрым маалыматтарга караганда, маркумдун денесинде көп ирет сайылган бычактын издери болгон. Ал эми анын батиринен алтын зергер буюмдары жоголгон.
