Бишкекте 61 жаштагы аялды зордуктоого шектүү катары кошунасы кармалды. Бул тууралуу Бишкек шаардык ИИБнын Милициянын кайгуул кызматынан билдиришти.
Белгиленгендей, 8-январга караган түнү нөөмөт бөлүмүнүн 102 кыска номуруна зордуктоо тууралуу билдирүү келип түшкөн.
«Милиция кызматкерлери чакыруу түшкөн жайга барып 61 жаштагы аялды табышкан. Ал 7-январь күнү саат 23:30 чамасында Ж. аттуу кошунасы үйүнө кирип, күч колдонуп зордуктагандыгын айткан. Окуядан соң кошунасы изин жашырып качып кеткен. Патрулдук милициянын кызматкерлери кылмышка шектүүнү колго түшүрүштү. Ал 43 жаштагы С.Ж. экендиги аныкталды. Учурда Свердлов районунун ИИБнын тергөө кызматына өткөрүлүп берилди», — деп берилет маалыматта.
