Бишкектин «Ала-Тоо» аянтындагы көчөлөр убактылуу жабылат. Бул тууралуу Милициянын кайгуул кызматынан билдиришти.
Маалыматка караганда, 24-мартта 22:00дөн тарта саат 11:00гө чейин Чүй проспектисинин Орозбеков көчөсүнөн Эркиндик бульварына чейинки бөлүгү жана Эски аянттагы, тактап айтканда, Абдымомунов көчөсүнүн Орозбеков көчөсүнөн Эркиндик бульварына чейинки бөлүгү убактылуу жабылат. Буга ӨКМ менен УКМКнын Чек ара кызматына атайын техникаларды өткөрүп берүү салтанаты себеп.
Кайгуул кызматы келтирилген ыңгайсыздык үчүн кечирим сурайт жана алдын ала альтернативдик жолду тандоону өтүнөт.
