Бишкекте 54 жаштагы алдамчылыкка шектүү жаран кармалды, ал жабырлануучуларга Чүй облусунан жер тилкелерин берүүнү убада кылып, акчаларын алган соң из жашырып кеткен. Бул тууралуу Ленин РИИБнин басма сөз кызматы билдирди.
Маалыматка ылайык, шектүүнүн үстүнөн милиция кызматкерлерине биринчи арыз 22-февралда келип түшкөн.
Арыз ээсинин айтымында, 2014-жылдын январь айында шектүү төрт сотых 4 жерди бөлүп берүүнү убада кылып, андан 9 миң 200 доллар алып качып кеткен.
Белгиленгендей, кыш аяктагандан бери Ленин райондук ички иштер башкармалыгына ушундай эле таризде дагы төрт арыз келип түшкөн.
Учурда шектүү кармалып, камакка алынды. Сот аны Бишкек шаарынын СИЗО-1 тергөө абагына эки айга камакка алды.
