Бишкекте БМВ унаасы менен Милициянын кайгуул кызматынын унаасы сүзүштү. Бул тууралуу Милициянын кайгуул кызматынан билдирди.
Кырсык 17-январь күнү Манас проспекти менен Киев көчөсүнүн кесилишинде саат 5тер чамасында катталган. БМВ унаасын 2002-жылы туулган жигит башкарып бара жаткан.
Жүргүзүлгөн экспертизанын жыйынтыгында BMW айдоочусунун канынан баңгизат чыккан. Ошондой эле ал автоунаага жасалма номер тагып, унаасын уруксат кагазы жок караңгылатып алганы аныкталган. Айдоочу коомдук жайда орой мамиле жасап, сөгүнгөндүктөн Ленин РИИБине жеткирилген.
Аталган факты каттоого алынып, эки унаа тең айып короого киргизилген.
