Бишкекте телефон аркылуу бомба коюлду деп жалган маалымат берген жаран 6 айга эркиндигинен ажыратылды. Бул тууралуу УКМКдан билдиришти.
Маалыматка ылайык, ушул жылдын 3-февралында Чүй проспектиси менен Эркиндик бульварынын кесилишинде колго жасалган жардыруучу зат тууралуу жашыруун маалымат түшүп, бирок тастыкталган эмес.
Бул факты боюнча Кылмыш-жаза кодексинин 259-беренеси («Террорчулук актысы жөнүндө билип туруп жалган маалымат берүү») боюнча кылмыш иши козголгон.
Тергөөнүн жүрүшүндө террорчулук тууралуу жалган маалымат тараткан 1982-жылкы Н.А.А. аттуу жаран кармалып, муну бейбаштык үчүн жасагандыгын мойнуна алган.
18-майда Биринчи Май райондук соту тарабынан күнөөлүү деп табылды.
