Бүгүн, 24-сентябрда, Бишкектеги Токтогул Сатылганов атындагы Кыргыз улуттук филормонияда дүйнө элдеринин эпосторунун VI эл аралык фестивалынын алкагында «Саркеч көчмөн» сынагы өтүп жатат. Бул тууралуу Маданият, маалымат, спорт жана жаштар саясаты министрлигинин басма сөз кызматы билдирет.
Маалыматка ылайык, сынакка 10дон ашык жаш дизайнерлер катышууда. Сынак улуттук колориттеги кийимдердин заманбап үлгүсүн эл алдына алып чыгуу менен, таланттуу дизайнерлерди аныктоо жана чеберлерди колдоо максатын көздөйт.
Сынактын жыйынтыгы эртең, 25-сентябрда өтө турган иш-чаранын расмий бөлүгүндө белгилүү болот.
