Бишкекте мейманканын жетинчи кабатынан 27 жаштагы кыз кулап түшкөн. Бул тууралуу Свердлов райондук ички иштер башкармалыгынын басма сөз кызматы билдирди.
Билдирүүгө ылайык, кечээ 3-майда 1995-жылы туулган М.И. аттуу кыз «Достук» мейманканасынын 7-кабатынын балконунан кулап кеткен.
«Ал алган жаракатынан улам тез жардам келгенге чейин жеринен көз жумду.
Учурда бардык керектүү экспертизалар дайындалып, тергөө иштери жүрүп жатат»,- деп берилет билдирүүдө.