Бишкек шаарында мурдагы бала бакчанын имараты ыктыярдуу түрдө мамлекетке кайтарылды. Бул тууралуу УКМК билдирет.
Бишкек шаары, Маевка Муниципалдык аймактык башкармалыгы дарегинде жайгашкан, пайдалуу аянты 735,8 кв м, турак жай аянты 460,5 кв м., жер тилкеси 0,63 га болгон балдар бакчасынын имаратын мыйзамсыз жеке менчикке чыгаруу фактысы аныкталган.
1994-жылы мамлекеттик мүлктү мамлекеттен ажыратуу жана менчиктештирүү мезгилинде аталган бала бакча мыйзамсыз чыгарылып, кийин жеке менчикке сатылып кеткен.
Жеке менчикке өткөндөн бери бала бакчанын имараты бүгүнкү күнгө чейин өз максатына ылайык пайдаланылбай келген. Учурда имарат талкаланып, кароосуз калып, дары-дармек каражаттарын сактоочу жай катары колдонулган.
Бул объекттин ээси мүлккө ээлик кылуунун укукка жатпагандыгын түшүнүп, мурдагы бала бакчанын имаратын жер тилкеси менен кошо мамлекеттин пайдасына өткөрүп берди.
