Бишкекте кеңседеги адамды тапанча менен коркутуп, 425 миң сомун алып кеткен шектүүлөр кармалды. Бул тууралуу Бишкек ШИИБден билдиришти.
Маалыматка ылайык, 2023-жылдын 3-декабрында милицияга С.А. аттуу жаран белгисиз адамдарга карата чара көрүү арызы менен кайрылган. Анда ошол эле күнү саат 19:05 чамасында Ж.Абдрахманов көчөсүндөгү кызматтык жайга кирип, белгисиз маркадагы тапанча менен коркутуп, кассадагы 425 миң 390 сом акча уурдап кетишкен.
Аталган факты боюнча Кылмыш-жаза кодексинин 207-беренесине (Каракчылык) ылайык кылмыш иши козголду.
Ыкчам-иликтөө жана издөө иш-чараларынын жүрүшүндө кылмышка шектүүлөр кармалып, тергөө кызматына жеткирилишкен. Алар 1996-жылы туулган Н.К., уюшкан кылмыштуу топтун активдүү мүчөсү катары каттоодо турган жана 2001-1992-жылы туулган жарандар аныкталган. Буга чейин ушул сыяктуу кылмыштарды жасагандыгы үчүн бир нече жолу соттолушкан.
Шектүүлөр Бишкек ШИИББнын убактылуу кармоочу жайына киргизилген. Учурда иликтөө иштери уланууда.
