Бишкекте 3 класс жана бир мектеп карантинге жабылды. Бул тууралуу Бишкек шаарынын вице-мэри Виктория Мозгачева брифинг учурунда билдирди.
Маалыматка ылайык, ал кайсыл окуу мекемелериндеги класстар жабылганын тактаган жок, бирок №56 мектеп жабылганын белгиледи.
“Биз алгоритм боюнча жабууга аргасыз болдук, анткени бир инкубациялык мезгилде COVID-19 инфекциясынын 2 учуру катталган. Борбор калаадагы №56 мектепте окуучу жана мугалимден коронавирус илдети аныкталган”, — деди вице-мэр.
Ошондой эле ал онлайн окутууга өтүүгө негиз жок экенин билдирди.