Жума сайын берилип турчу 10-15 миң сом өлчөмүндө акча каражатын алып жаткан жеринен Бишкек ШИИБдин Кылмыш иликтөө башкармалыгынын ыкчам издөө бөлүмүнүн улук ыкчам кызматкери милициянын капитаны кармалды.
УКМКдан билдиришкендей, бул кылмышка тиешеси бар башка кызматкерлерди аныктоо боюнча бардык зарыл болгон тергөө-ыкчам иш-чаралары жүргүзүлүүдө. Бул иш боюнча Бишкек ШИИБинин Кылмыш иликтөө башкармалыгынын бөлүмүнүн башчысы УКМКга алып келинди. Аталган жарандарга карата жашаган жеринде, автоунааларда жана кызматтык бөлмөлөрдө тинтүү иштери жүргүзүлдү.
Кылмыш-жаза процессуалдык кодексинин 96-беренесине ылайык кармалган милициянын капитаны убактылуу кармоочу жайына киргизилди.
