Бишкек мэринин биринчи орун басары Мирланбек Байгончоков 17-ноябрда белгиленген жергиликтүү кеңештердин депутаттарын шайлоого даярдыктын жүрүшүн текшерди.
Байгончоков райондун акимдери жана шаардык кызматтардын жетекчилери менен биргеликте Ч.Айтматов проспектиси, 27 дарегиндеги (К.Карасаев атындагы БМУ) №1046, Жал кичирайону, 45 дарегиндеги (№95 мектеп) № 1063 жана №1035, Жеңиштин 50 жылдыгы көчөсү, 39а дареги боюнча «Чоң-Арык» МАБда уюштурулган №1053 жана 12-кичирайону, 23/1 дарегиндеги (№71 мектеп) №1141 жана №1142 шайлоо тилкелерин текшерди.
Жыйынтыгында УШКларды материалдык-техникалык жактан камсыз кылуу, ошондой эле участкалык шайлоо комиссияларынын айланасында тазалыкты камсыздоо боюнча иштерди жүргүзүү тапшырылды.
Эскерте кетсек, УШКлар жайгашкан бала бакчаларда жана мектептерде санитардык тазалоо иштерин жүргүзүү максатында 16-18-ноябрь күндөрү сабактар онлайн режиминде өткөрүлөт.
