Бишкек шаарындагы тез татым түйүндөрүндө шаурмага уулангандардын саны 43кө жетти. Бул тууралуу Саламаттыкты сактоо министрлигинен билдиришти.
Расмий маалыматка караганда, жалпысынан Республикалык клиникалык жугуштуу оорулар ооруканасына 43 адам кайрылып, 23ү ооруканага жаткырылган, экөөсү балдар.
Медициналык жардам көрсөтүлгөндөн кийин жыйырма адам амбулатордук дарыланууга жөнөтүлдү.
Белгилей кетсек, «Беш лаваш» жана «Мидос» тез татым түйүндөрүндө массалык уулануу катталган. Тез татым түйүндөрүнө аныкталган эреже бузуулар үчүн 72 миң сом айып пул салынып, алар жоюлганга чейин жабылган.
