Бишкекте уурулукка шектүү жаран кармалды. Бул тууралуу Свердлов РИИБдин басма сөз кызматы билдирди.
Маалыматка ылайык, Свердлов РИИБна борбор калаанын тургуну З. Р. аттуу жаран белгисиз адамдарга чара көрүү өтүнүчү менен кайрылган. Анда, 11-апрель күнү саат болжол менен 18:00 чамасында Бишкек шаарынындагы жайгашкан соода борборлордун биринде анын 2 даана уюлдук телефонду алып, белгисиз тарапка изин жашырып кетишкен. Жалпы чыгым 45 500 сом болгон.
Аталган факты Кылмыштардын бирдиктүү реестрине катталып, Кылмыш-жаза кодексинин 205 беренесине ылайык (Урдоо ) фактысы боюнча кылмыш иши козголгон.
Иликтөө иштеринин жүрүшүндө кылмышка шектүү 1982-жылы туулган С.А. аттуу жаран кармалган. Шектүү тергөө кызматына жеткирилип, Бишкек ШИИБнин убактылуу кармоочу жайына киргизилди.
Шектүүнүн башка дагы кылмышка тиешеси бар экендигин аныктоо боюнча иштер улантылууда.