Бишкекте 3-июнда тамактануучу жайлар күтүүсүз текшерилип, тез тамактануучу 11 жай жана эки кафе жабылды.
«Тамактануучу жалардын ичи кир, кызматкерлердин санитардык китепчелери жок болуп чыккан. Мындан улам 15-июнда аларды санитардык нормаларды аткарганга чейин жабуу чечими кабыл алынды», — деп Ооруларды алдын алуу жана мамлекеттик санитардык-эпидемиологиялык кѳзѳмѳлдѳѳ департаментинен кабарлашты.
Анкара көчөсүндөгү «Национальная кухня» ашканасы, Бейшеналиева көчөсүндөгү «Ак Марал» кафеси жана Төрөкул Айтматов көчөсүндөгү 11 тез тамактануучу жай кемчиликтер жоюлганга чейин жабылды.
