Бишкекте токтоп турган Лексусту уурдап кеткен 32 жаштагы жаран кармалды. Бул тууралуу борбор калаанын Патрулдук милиция башкармалыгынан билдиришти.
Маалыматка ылайык, кечээ, 11-августта Чүй проспектиси менен Лермонтов көчөлөрүнүн кесилишинде токтоп турган Лексус үлгүсүндөгү унааны белгисиз жаран айдап кеткендиги тууралуу маалымат түшкөн.
Башкармалыктын кызматкерлери ыкчам-издөө иш-аракеттерин жүргүзүшүп, натыйжада 32 жаштагы шектүүнү кармашкан. Ал Свердлов райондук ИИБне жеткирилди. Факт Кылмыштардын жана жоруктардын бирдиктүү реестрине 206-берене менен катталып, сотко чейинки өндүрүш башталды.