2023-жылдын декабрь айында Бишкекте Катар фондунун жардамы менен угуусу начар 47 балага кохлеардык имплантация операциясы жасалган. Бул тууралуу Саламаттыкты сактоо министрлигинен билдиришти.
Маалыматка ылайык, 15-январда Бишкекке Кохлеар компаниясынын клиникалык жана техникалык адиси Дмитрий Заика бул балдарга сүйлөө процессорлорун туташтыруу үчүн учуп келди. Ал ошондой эле кыргызстандык адистерди окутуудан өткөрөт.
Сүйлөө процессорлору туташтырылгандан тартып балдардын үндөр дүйнөсүнө болгон сапары башталат.
