Бишкек шаарында ИИМдин Күзөт кызматынын кызматкерлери өз өмүрүнө кол салган жаранды сактап калышты. Бул тууралуу ИИМден билдиришти.
Маалыматка ылайык, кечээ 19-август күнү саат 22:14тө Тыныстанов көчөсүндөгү көп кабаттуу үйдүн балконунан аял секиргени жатканы тууралуу маалымат түшкөн. Окуя болгон жерге Октябрь райондук күзөт бөлүмүнүн кызматкерлери Медер Усманов, Базарбай уулу Нуржигит жана Тынчтык Эрназаров барышкан.
Алар жогорудагы жарандын өзүн-өзү өлтүрүү аракетин алдын алышкан. Куткарылган аял Бишкек шаарынын тургуну 1991-жылы туулган К.Г. экени аныкталган.
