Бишкек шаарындагы көп кабаттуу үйлөрдө жылуулук жана ысык суу түтүктөрүн тейлөө үчүн алынуучу айлык төлөмдүн жаңы тарифтери күчүнө кирди.
«Бишкек жылуулук тармагы» муниципалдык ишканасынын маалыматына ылайык, тарифтер Энергетика министрлигинин буйругунун негизинде 2026-жылдын 1-июлунан тартып өзгөртүлдү.
Жаңы тарифке ылайык, үй ичиндеги жылытуу түтүктөрүн тейлөө үчүн батирдин ар бир чарчы метринин аянтына айына 1,59 сом, ал эми үй ичиндеги ысык суу түтүктөрүн тейлөө үчүн ар бир чарчы метрге 0,79 сом өлчөмүндө төлөм алынат.
Төлөмдөр батирдин жалпы аянтына жараша эсептелет. Жаңы тарифтер 1-июлдан тартып расмий түрдө күчүнө кирди.
