«Алма-Ата» кафесинен өрт чыкты. Бул тууралуу ӨКМнин басма сөз кызматы билдирди.
Маалыматка ылайык, кечээ, 5-февралда кечки саат 19:40тар чамасында Чүй облусунун Аламүдүн районундагы Алма-Ата көчөсү менен Айланма унаа жолунун (объездной) кесилишинде жайгашкан «Алма-Ата» кафесинен өрт чыккандыгы тууралуу маалымат түшкөн.
«Өрттү өчүрүүгө жалпы 3 өрт өчүрүүчү бөлүм тартылган. Саат 19:17де Аламүдүн райондук №1 ӨКБдан 1 бөлүм, кошумча саат 19:30да 1 бөлүм, саат 20:01де Свердлов райондук №2 ӨКБдан 1 бөлүм, иш алып барышкан. Өрт өчүрүүчүлөрдүн ыкчам аракетинин натыйжасында саат 21:00дө чектөөгө алынган», — деп берилет маалыматта.
