Аламүдүн районунда 2 жаштагы баланын өмүрүн кыюуга шектелип энеси жана анын жарандык жолдошу кармалды. Бул тууралуу Чүй ОИИБден билдиришти.
Маалыматка караганда, 28-сентябрда милицияга 2021-жылы туулган С.А. аттуу бала белгисиз себептер менен каза болуп калгандыгы тууралуу маалымат түшкөн. Баланын жансыз денеси ар кандай ур-соккудан пайда болгон көк-алалары менен табылган.
Факт Аламүдүн РИИБине катталып, КЖКнин 122-беренесинин (Адам өлтүрүү) негизинде кылмыш иши козголгон. Соттук-медициналык экспертизанын корутундусуна ылайык, каза болгон баланын денесине ар кандай оор жаракаттар келтирилгени, боору жарылганы, денесинде күйүктөр аныкталган.
Аталган кылмышка шектелип баланын 23 жаштагы К.А. аттуу энеси, жана анын жарандык жолдошу 27 жаштагы М.А.А. аттуу чет мамлекеттин жараны кармалган.
Алар убактылуу кармоочу жайга киргизилип, учурда тергөө иштери уланууда.
