Өзгөн районунда бычылды деген 44 жаштагы киши ооруканадан чыгарылды. Бул тууралуу маалыматты журналисттерге Ош облустар аралык бириккен клиникалык ооруканасынын директору Атабек Жумалиев тастыктады.
Ал кишиге бардык зарыл болгон медициналык жардам көрсөтүлгөн.
Эске сала кетсек, 13-ноябрда саат 22:00 чамасында Куршаб айылынын 44 жаштагы К.Ш. аттуу тургуну 44 жаштагы Э.Т. деген айылдашын үйүнө чакырган. Ортодо өз ара пикир келишпестик жаралып, үй ээси айылдашына бычак менен жаракат келтирип, электр мамыга жип менен байлап койгон. Эртеси күнү жабырлануучу аймактык ооруканага жеткирилип, ага операция жасалган.
Андан соң шектүүнүн жубайы үн катып, күйөөсү тарабынан зордук-зомбулукка кабылганын жана андан качып, Россияда жүргөнүн айтып берген.
