Чүйдө №1 абагын текшерүү учурунда баңгизаттар, ичимдиктер жана башка колдонууга тыюу салынган бир топ буюмдар чыккан. Бул тууралуу Жаза аткаруу кызматы билдирди.
Маалыматка ылайык, 10-декабрда Аламүдүн районундагы Молдовановка айылынын аймагында жайгашкан №1 абагын текшерүү учурунда салмагы 8,615 кг. баңгизат (героин, кара куурай, марихуана) жана ар кандай үлгүдөгү уюлдук 24 телефон табылган. Ошондой эле 63 даана тешүүчү, кесүүчү буюмдар, 3,5 литр ичимдик, колго жасалган 275,5 литр маш жана түзөтүү мекемелеринин ички эрежелеринде тыюу салынган башка буюмдар табылган.
Бул факт боюнча Жаза аткаруу кызматы тарабынан тийиштүү болгон тергөө жана башка текшерүү иш-чаралары жүргүзүлүүдө
