Чүйдө бир тууган кыздар изделүүдө. Бул тууралуу Чүй ОИИБден билдиришти.
Маалыматка ылайык, 2-сенятбрь күнү милицияга 1986-жылы туулган жаран кайрылып, 2007-жылы туулган Алтынай жана 2013-жылы туулган Айсулуу аттуу кыздары дайынсыз болуп жатканын кабарлаган.
Алар 31-августта Кеминдеги Кароол-Дөбө айылындагы үйүнөн чыгып кетишкен бойдон кайтып келген эмес.
Алтынайдын бою 155-160 см, орто дене түзүлүштө, чачы узун. Кара футболка, жынсы костюм, кара шым, кара спорттук бут кийим кийип кеткен.
Ал эми Айсулуунун бою 125-130 см, орто дене түзүлүштө, чачы узун жана кара. Ак рубашка, жынсы костюм, кызгылт шым, кара спорттук бут кийим кийип кеткен.
