Өтмөк ашуусунда оор жүк ташуучу унаа менен “Toyota Surf” унаасы кагышып, бир адам жаракат алды. Бул тууралуу ӨКМден билдиришти.
Маалыматка ылайык, 11-октябрь күнүЖайыл районунун Бишкек-Ош унаа жолунун 198-чакырымында, Өтмөк ашуусунда бетон шакекчелери менен жүктөлгөн “DAF” үлгүсүндөгү оор жүк ташуучу унаасы менен “Toyota Surf” унаасынын ортосунда жол кырсыгы катталган. Оор жүк ташуучу унаа көпүрөдөн түшүп кетип, бетон шакекчелер жолдун бир тарабын тосуп калган.
Бул окуя тууралуу ӨКМге 12-октябрь күнү маалымат түшкөн. Жерине 4 куткаруучу тартылып, жолду тосуп калган бетон шакекчелерди алууга жардам беришкен.
Кырсыктын кесепетинен 33 жаштагы Т.Б. аттуу эркек киши жабыркап, ооруканага жеткирилген.
