Чүйдө турак үй өрттөнүп, эркек киши көз жумду. Бул тууралуу Өзгөчө кырдаалдар министрлигинен билдирди.
Маалыматка ылайык, бүгүн түнкү саат 3:10 чамасында Ысык-Ата районунун Чоң-Далы айыл аймагынын Нооруз дачасында турак үй күйүп жаткандыгы тууралуу маалымат түшкөн.
Жерине бир өрт өчүрүүчү бөлүм тартылып, 4:40та өрт толугу менен өчүрүлгөн.
Өрттүн кесепетинен эркек кишинин жансыз денеси табылган. Маркумдун денеси ИИМ кызматкерлерине өткөрүп берилип, өздүгү такталууда. Ошондой эле жалпы аянты 52 чарчы метр турак үй толугу менен күйүп кеткен.
Учурда өрттүн келип чыгуу себеби такталууда.