Чүй облусунда жасалма документтер менен унааны мамлекеттик каттоодон өткөрүүгө аракет кылган төрт адам кармалды.
Милициянын маалыматка караганда, 3-июлда 1995-жылы туулган К.Д. Belgee X50 үлгүсүндөгү унааны каттоого алып келген. Унаа Казакстандан келген деп көрсөтүлгөн. Бирок документтер текшерилгенде алардын жасалма экени аныкталган.
Тергөөдө унаа буга чейин Орусияда каттоодо турганы жана лизингде болгону белгилүү болгон. Ага тиешелүү каттоо күбөлүгү, сатып алуу-сатуу келишими жана башка документтер жасалма даярдалганы аныкталган.
Кылмышка шектүү катары 1995-жылы туулган К.Д., 1990-жылы туулган К.К., 2001-жылы туулган К.И. жана 1994-жылы туулган Э.Б. аныкталган.
Учурда тергөө уланууда.
